Tres hermanikas eran
Blancas de ros ay, ramas de flor
Tres hermanikas eran
Tres hermanikas son.

Las dos eran casadas
Blancas de ros ay, ramas de flor
Las dos eran casadas
La una se deperdió.

Su padre con verguenza
Blancas de ros ay, ramas de flor
Su padre con verguenza
A Rodes la envió.

En medio del camino
Blancas de ros ay, ramas de flor
En medio del camino
La niña se durmió.

Vino el cavallero
Blancas de ros ay, ramas de flor
Vino el cavallero
Tres besikos se le dió.

Uno en cada cara
Blancas de ros ay, ramas de flor
Uno en cada cara
Y uno al corazón...