Comm''e vapure scostano,
lassanno 'sta banchina
turmiente e pene portano
luntano 'a Margellina.

'Nterr'â banchina chiagnono
'e mmamme 'e ll'emigrante,
pe' chesto, 'nterr'a 'America,
só' triste tutte quante.

Meglio nu juorno ccá, Napulitano,
ca tutt''a vita princepe luntano.
Ll'America ch''e cchiamma, luntana sta,
cònnola senza mamma ca nun po' dà felicità.

Stanno luntane e cantano
sempe sti cante e suone.
Ma qua' brillante trovano
cchiù belle d''e ccanzone!

Tutto nun dà ll'America.
Forte suspira 'o core
'e chi, pensanno â Patria,
luntano se ne more.

Meglio nu juorno ccá, Napulitano,
ca tutt''a vita princepe luntano.
Ll'America ch''e cchiamma p''e ffá restá,
cònnola senza mamma, falle encontrá a felicitá!

Si è Napule ch''e cchiamma p''e ffá saná,
cònnola senza mamma, falle turná, falle turná!