ranj ki jab guftagu hone lagi
aap se tum tum se tu hone lagi

chaahiye paigaam bar donon taraf
lutf kya jab duu-ba-du hone lagi

meri ruswaayi ki naubat aa gayi
unaki shoharat kuu-ba-ku hone lagi

naa-umidi badh gayi hai is kadar
aarazu ki aarazu hone lagi

abake mil kar dekhiye kya rang ho
phir hamaari justaju hone lagi

' daag' itaraaye huye phirate hain aaj
shaayad unaki aabaru hone lagi